火燎森推介項目之一 DCR合約

火燎森推介項目之一 Decred(DCR) + Siacoin(SC)合約

截圖來源: Telegram火蛇苦主圍爐 + Facebook專頁-DCR挖擴合約解說
引用來源: Facebook專頁-DCR挖擴合約解說

今日幫有關DCR合約嘅資料做backup
又寫返少少背景資料
大約2018年5月度
火燎森sell完公仔機之後又有新搞作
就係DCR同SC既掘擴合約
買DCR同SC嘅算力
仲鼓勵大家借錢去買
透過DCR合約製造現金流入




 以下短訊係由天機sales send出黎既what's app截圖

有網友就擔心而家買DCR挖擴合約嘅話
遲啲ASIC一出新礦機就會令而DCR合約內用緊嘅礦機會被淘汰

咁火燎森就話揀得呢間礦機公司就當然有做功課啦
到底呢份合約有咩咁巴閉?
 (1) 礦機公司同DCR創辦人有關聯
 (2) 可以獨家掘DCR年幾

 








































 


後來有網友就開左facebook專頁反駁火燎森所講嘅野
筆者喺DCR挖擴合約解說嘅facebook專頁入面揀左一篇精華出黎做同大家分享下

原文節錄如下:

關於火SIR DCR掘礦合約(30/10/2018)
　
自DCR掘礦合約5月開始後，ASIC機進場，到今天合約算力升左33倍，DCR價格跌了超過50%。火SIR就掘礦合約再度開腔[註1]，話係inner ring[註2]度收到風會改formula。
　
等陣等陣，火SIR當初話「同貨幣創辦人有關係，其他人唔係對手，可以為佢改formula。」[圖1][註3]點解而家又改口風，話只係收到「消息」？火SIR唔係可以動用同創辦人的關係咩？全世界當日都知ASIC開始大量生產，算力大漲，呢D乜q circle都知的消息，火SIR又提都唔提下？自己掘足半年賺夠，一定要放合約比讀者賺下？
　
另外，如果火SIR係相信會改算法，點解仲要去訂B29 ASIC機[註4]？全世界都知改左算法連B29都會廢埋，咁點解火SIR要訂B29？
　
火SIR 懷疑創辦人周圍同人講會改算法而引致算力上升，係亂講。大家可以睇下ETH，呢隻大幣改左一次算法之後，就冇咁多廠夠膽出ASIC機，同DCR情況完全相反。最近DCR官方親自確認左比特大陸都出DCR ASIC[註5]，其實唔洗咁多陰謀論，係因為DCR創辦人係工作報告度講DCR的共治結構歡迎大量ASIC機投產掘礦，多多都受得住，所以大家先將幾十億投資放入去，大家信人地工作報告，定係信咩inner ring、outer ring？
　
另外SC，火SIR唔明人地創辦人動機就指控人反轉豬肚，唔洗乜inner ring、內環、外環，花少少時間睇下David Vorick間Obelisk成立目的同上論壇睇下Obelisk係一個咩計劃先。筆者明白火SIR睇英文係辛苦，正等於上一篇火SIR見到SC要改算法即刻衝出黎拍手掌，筆者指出呢件事會廢埋佢堆SC ASIC機，要he15出錢，火SIR即刻急急腳刪除POST。其實查下字典明白人地講咩唔難，何必下下見到英文文章就叫讀者自己揾重點？
　
其實苦主要的東西好簡單，就係賠錢，唔需要迫火SIR用咁多英文同掘礦知識，唔需要日日花人力物力資源時間奔走，唔需要開會，唔需要又諗咩幾個月後大事，慳番所有資源，計計條數，要補幾多錢先可以原銀奉還比番所有苦主就可以了，没興趣就走，有興趣就留。至於火SIR又咩新計劃，有興趣就跟，没興趣就唔跟，到時火SIR咩新計劃成功上月球，就直截了當威比大家睇，相信有退錢的苦主都睇得好開心。
　
[註1]http://bit.ly/2OXUMay
[註2]筆者聽過inner ring係城市內環，人的圈子是inner circle。莫非火SIR的inner ring係指身體入面d環？同情地理解，火SIR應該係講inner circle.
[註3]這裏應該是指algorithm，真正IT人不會講formula
[註4] http://bit.ly/2JQjLoA
[註5]http://bit.ly/2OUVrcy

大家再想睇多啲嘅話
可以直接進入以下專頁:

DCR挖擴合約解說
https://www.facebook.com/fakedcrandbtccontract/

筆者都有啲cap圖作為補充
火燎森sell完合約
一個華麗轉身話情況有變
一改算法,貨幣就會歸零
仲話有人輸打嬴要咁話

 
 

 事隔半個月就話投資從來係有風險
 個風險咪就係火燎森原來只係收到風就當真
 然後就當事實咁話比啲讀者知

 
2018年8月, SC宣佈會硬分叉
所有ASIC機會廢晒,唔可以再掘SC
火燎森就出左以下嘅post
表示SC分叉還佢一個清白
廢機呢家野真有其事
仲暗示埋DCR都會步其後塵
[相信呢個post就係DCR挖擴合約解說內文所指 「件事會廢埋佢堆SC ASIC機，要he15出錢，火SIR即刻急急腳刪除POST」果個POST,如有錯漏,歡迎指正!始終筆者並唔係專業分析員, 原意只係想Backup火燎森推介過既項目資料]
 

火蛇過多一頭半個月又一個華麗轉身
由礦機公司同創辦人有關聯
可以改算法, 可以獨家掘
變成只係收到風





最後he15嘅DCR合約產量越黎越少
SC要改掘hyperspace同原幣siacoin classic, 唔可以再掘SC
回本遙遙無期
 
 

投資者想採取法律行動追討賠償?
Sorry, 個局根本一早SET好晒
就算涉嫌不良銷售手法你都無佢乎
睇下執業律師沈運華點講

"黃大仙區議員、執業律師沈運華指出現時政府對虛擬貨幣的監管明顯不足，因虛擬貨幣資產並不構成'證券'或'期貨合約'，不受《證券及期貨條例》約束，因此該條例針對披露虛假或具誤導性的資料以誘使進行交易、內幕交易和操緃市場等市場失當行為並不適用於虛擬貨幣交易，投資相關產品沒有足夠保障，對投資者造成重大風險。

沈運華認為雖然火燎森涉嫌運用不良銷售手法推銷有關合約，但因苦主簽署挖礦合約的主要目的為投資與虛擬貨幣相關的業務，故此未能滿足《商品說明條例》中對'消費者'的要求，相信海關不會視苦主為'消費者'而研究引用該條例作出檢控。

另一方面，沈運華認為苦主在民事索償面臨重大困難。該等合約規定雙方放棄入稟法庭權利，苦主不得進行集體訴訟，如有任何爭議必須向英國仲裁機構提出，該仲裁機構須按英國法律對爭議作出裁斷。因此，雖然銷售行為在香港發生，該等合約在香港簽署，牽涉的人物也以香港人為主，但香港法律和法院卻沒有管轄權，苦主必須向英國仲裁機構提出申請，極不合理；苦主的投資只是數十萬元，但仲裁費動輒也是數十萬元，苦主因喪失集體訴訟權而不能攤分仲裁費，令苦主的情況雪上加霜。高昂的仲裁費嚇怕苦主，苦主難以展開法律程序追討損失。"

資料來源: 民主黨網頁 http://dphk.org/index.php?route=news/news/detail&id=2434